Category: Albisteak

Bideoa: Urduñako udal zorpetzea, jatorria eta proposamenak

Api 22 2013
urduna
0 Comments

 Zein da Urduñako udalaren zorraren jatorria? Nora joan dira maileguetan eskatu ziren sei milioi euro baino gehiago? Zergatik eskatzen du udalak Bizkaiko Foru Aldundiaren inplikazioa?

Galdera hauei erantzuteko asmoz osatu dugu bideo hau:

Golf zelaia ateak ireki ditu bestelako eredu batekin

Api 08 2013
urduna
0 Comments

DSCF0671

Duela urtebete Urduñako Golf Zelaia ixteko erabakia hartu zuen udalak. Orduan azaltzen genuen urtean 42.491 €ko diru galerak eragiten zituela, hau dela eta zelaiaren esplotazioa eramaten zuen enpresarekin kontratua etetea erabaki zuen udalak.

Urtebete igarota, Golf Eskolak ateak irekiko ditu berriro ere baina bestelako eredu batekin; aurretik enpresa batek kudeatzen zuen azpiegitura hemendik aurrera udalerriko golf jokalariez osatutako elkarteak eramango du.

Alde nabarmena dago diru aldetik kudeaketa eredu batek zein besteak udalarengan duten eraginaren gainean; izan ere, lehen urtero 50.491€ko kostea zuen mantenuak etorkizunean argindarrari eta hainbat materialei dagokien kostea soilik izango du.

Gure udalerriak bizi duen egoera ekonomiko larriaren aurrean bestelako kudeaketa ereduak gauzatzea beharrezkoa dugu; Alondegiko entsegu lokalekin egin bezala, hiritar zein elkarteen parte hartzea eta konpromisoari esker herriarentzat bideragarri ditugu orain gutxi defizit ikaragarria suposatzen zuten azpiegiturak; aurrerantzean ere bide horretan sakonduz egitasmo gehiago gauzatuko ditugu, urduñarren parte hartzea oinarri.

Urduñak Bizkaiko Aldundiaren inplikazioa exijitu du gehiago ezin duela itxaron ohartarazita

Mar 26 2013
urduna
0 Comments

Gaur goizean Bizkaiko Batzar Orokorretan Karlos Arranz Urduñako alkatea eta Naiara Merino eta Jose Antonio Landaluce zinegotziek Bizkaiko Foru Aldundiaren inplikazioa exijitu du udalak zorpetze egoera itogarriaren aurrean gehiago itxaron ezin duela ohartarazita.

Aurrekontuak aurkezteko epe legala agortuta dago baina hiriak pairatzen duen ia sei milioi euroko zorpetzeak aurrekontu erralak egiteko aukerarik ematen ez duela eta  Aldundiari hiriko egoera ekonomikoari erantzuteko inplikazioa eskatu diote. Udalak gogorarazi duenez, Aldundiak egoera honen gainean erantzukizun zuzena du, hark baimendu baitzuen herriko kontuen zorpetze maila jasangaitza.

Bizkaiko Batzar Orokorretan eginiko agerraldiko bideoa ikusgai HEMEN KLIK EGINDA

Urduña Biltzen aldizkariaren 3. alea kalean da

Urt 08 2013
urduna
0 Comments

Urduña Biltzen aldizkariaren 3. alea kalean da jada; udalaren egoera ekonomikoa eta berau bideratzeko aurkeztutako Plan Ekonomikoa ditu hizpide ale berriak. Irakurgai duzu HEMEN KLIK EGINDA

Aisialdi gune berrirako proposamena

Aza 07 2012
urduna
0 Comments
Lau urte dira gure herrian igerilekua apurtu zitzaigula, ordutik, udan bainuaz gozatzeko behar bezalako azpiegiturarik gabe izan gara. Gainera gure udalerriak bizi duen zorpetze egoera larriak arazo honi alternatibak bilatzea zaildu egiten du, hau dela eta, iragan legealdian onatutako igerilekuen berritzeko proiektua gauzatzeak luzerako joko luke; izan ere, egoera honetan 2.400.000 euroko aurrekontua duten lanak egitea ezinekoa zaio udalari.
Arazo honen aurrean alternatiba bat eskaintzeko beharraz jabeturik, iragan urriaren 24an eginiko Hirigintzako Batzar Orokorrean La Paul inguruan bainurako eta aisialdirako gune bat sortzeko aurre egitasmoa aurkeztu zen. Herritargoarekin eztabaidatu eta aztertu beharreko proposamena dugu, gune horretan bainurako urmael ekologiko bat sortzean ezaugarritzen baita.

Read more ...